Rydym ni’n dathlu ein pen-blwydd yn Ugain oed eleni- hip hip HWRE! 

Sefydlwyd y Fenter nôl yn 1998 – blwyddyn pasio Deddf Llywodraeth Cymru i sefydlu’r Cynulliad Cenedlaethol; ymweliad Nelson Mandela â’r Brifddinas ym mlwyddyn olaf ei Arlywyddiaeth; gig enwog y Stereophonics yng Nghastell Caerdydd; a merch ddeuddeg oed o Landaf yn cyhoeddi ei halbwm gyntaf, ‘Voice of an Angel’…  Teimlo’n hen?!

Mae cymaint wedi newid yng Nghaerdydd, fel yn y Fenter hefyd, dros yr ddwy ddegawd diwethaf!

Gyda diolch arbennig i Dylan Foster Evans am ein rhoi ar ben y ffordd, dyma edrych yn ôl ar rai (a rhai yn unig) o’r cerrig milltir inni eu dathlu yma yng Nghaerdydd dros yr ugain mlynedd diwethaf …

1998  

• Deddf Llywodraeth Cymru, a sefydlu Cynulliad Cenedlaethol Cymru ar ôl Refferendwm Datganoli ’97.
• Agor ail ysgol uwchradd Gymraeg yng Nghaerdydd – Ysgol Gyfun Gymraeg Plasmawr.

1999

• Ethol y Cynulliad Cenedlaethol cyntaf
• Agor Stadiwm y Mileniwm
• Caerdydd yn gartref i Gwpan Rygbi’r Byd
• Cwblhau Morglawdd Bae Caerdydd

2000

• Sefydlu Côrdydd, côr cymysg Cymraeg ei iaith

2001   

• Y Cyfrifiad yn dangos bod 32,504 o siaradwyr Cymraeg yng Nghaerdydd (11.0% o’r boblogaeth)
• Rownd derfynol Cwpan FA Lloer yn cael ei chwarae am y tro cyntaf yn Stadiwm y Mileniwm

2002   

• Sefydlu Côr CF1, côr cymysg Cymraeg ei iaith
• Agor tafarn Y Mochyn Du

2004   

• Sefydlu Bechgyn Bro Taf a Côr Meibion Taf
• Agor Canolfan Mileniwm Cymru
• Agor Gwersyll yr Urdd, Caerdydd

2005 

• Sefydlu Aelwyd y Waun Ddyfal gan fyfyrwyr o Brifysgol Caerdydd
• Agor ysgol gynradd Gymraeg Glan Morfa

2006

• Agor Adeilad y Senedd ym Mae Caerdydd
• Cynnal Tafwyl am y tro cyntaf yn nhafarn y Mochyn Du

2007 

• Agor ysgolion cynradd Cymraeg Pen-y-pil a Nant Caerau

2008

• Eisteddfod Genedlaethol Cymru yn ymweld â Chaeau Pontcanna
• Ffurfio Côr y Mochyn Du (o 2015 dan yr enw Côr Hen Nodiant)

2009 

• Agor ysgolion cynradd Cymraeg Pen-y-groes a Glan Ceubal

2011   

• Y Cyfrifiad yn dangos bod 36,735 o siaradwyr Cymraeg yng Nghaerdydd: ▲4,231 ers cyfrifiad 2001
• Cynnal noson farddoniaeth Gymraeg gyntaf Bragdy’r Beirdd

2012

• Agor Ysgol Gyfun Gymraeg Bro Edern, trydedd ysgol uwchradd cyfrwng Cymraeg Caerdydd

2016   

• Agor Canolfan Gymraeg Yr Hen Lyfrgell
• Agor Ysgol Gynradd Gymraeg Hamadryad, gan godi nifer ysgolion cynradd cyfrwng Cymraeg, Caerdydd, i 17.

2017   

• Cyngor Caerdydd yn lansio ei strategaeth bum mlynedd ‘Caerdydd Ddwyieithog’

2018   

• Sefydlu Undeb Myfyrywyr Cymraeg Caerdydd ym Mhrifysgol Caerdydd
• Eisteddfod Genedlaethol Cymru yn ymweld â Bae Caerdydd

Ymlaen at Ugain mlynedd arall o ddathlu cerrig milltir i’r Gymraeg yng Nghaerdydd!